Dinsdag Rymelary….

Fotojoernalis

 

Ek wil ‘n foto neem

Man Met Koerantkombers;

Kind Bedel Vir Kos;

Vrou Dra Water Aan.

 

Ek wil ‘n foto neem

Pa Sterf Van VIGS;

Ma Is Nou Weduwee;

Kind Is Nou Weeskind.

 

Ek wil ‘n foto neem

Kind Is Verkrag;

Pa Met Koeëlwond;

Ma Omgery Deur Taxi.

 

Ek wil ‘n foto neem

Gesin Treur In Hande;

Familie Om Oop Graf;

Gemeenskap In Vrees.

 

Ek wil hierdie foto’s vat

En die lamppale versier;

Baniere vir die sport;

Biljette vir karvensters;

Tattoo vir jou voorkop?

 

Want die mens leef in volkleur;

Nie net in swart of wit of sepia.

Daar staan ‘n mens agter die kruisie.