Dit is wat my toereteller vandag skop. Antie Koekie het daar by Flintie ‘n interessante ding gesê, toe ek noem van hoe musiek herinneringe terugbring. Ek het gedink vandag is die dag om terug te dink, en die songs met julle te deel wat vir my spesiale herinneringe oproep.
- Siembamba: Vakansies aan Ouma se voete vir storietyd. Sy het altyd om een of ander weird rede vir ons die nougat in balletjies gerol.
- Baby Makes Her Blue Jeans Talk van Dr.Hook: Ek het grootgeword met permanente radios of plate wat in die huis gespeel het, vandaar seker my liefde vir ‘n baie wye verskeidenheid musiek. Hierdie was my gunsteling song, en my Pa moes altyd eerste die plaat vir my speel. Die plaat het naderhand ‘n “krap” gekry…. net op die song. Gmf.
- Put Your Sweet Lips A Little Closer van Jim Reeves was my Ouma se gunsteling liedjie. Laat my altyd aan haar dink.
- In Standerd 5 het ons ‘n Wakkerblyaand by die skool gehad. Oor die Hi-Fi het ons laat blêr: Boom Boom Boom, Let’s Go Back to My Room van Paul Lekakis, en Strip for Me Babe van Man2Man meet Man Parrish. Die arme Ingelse juffrou het amper hartversaking gehad.
- Ook omtrent hierdie tyd het ek my eerste volwaardige holiday romance gehad. Ek kan nie haar naam onthou nie, maar sy was van Klerksdorp, en ons was by Badplaas met vakansie. “Ons song” was Tiffany se I Think We’re alone Now.
- Kim Wilde se Kids in America. Ek het so ‘n moerse crush op die vrou gehad, ek sien nog die wilde-blonde-hare-guitar-chick foto voor my.
- Jennifer Rush se Ring of Ice het altyd by die ysskaatsbaan gespeel.
- U2 se hele Joshua Tree album sal een van die beste albums van alle tye bly.
- Freddie Mercury en Queen se Bohemian Rhapsody bly een van die beste songs ooit. Daar is min mense wat ‘n mengelmoes van style van opera, tot acapella en ‘n rock solo met sukses in een song saam kan vat. Musikale Genieskap.
- My beste pel in Londen was ‘n Aussie. Ons local was Bar Oz, en elke keer wat ons daar ingestap het was die eerste twee songs op die Jukebox: Men at Work se Down Under, en Africa van Toto.
- Boston se More Than A Feeling en Johnny Clegg se Great Heart laat my altyd aan RWC 1995 terugdink.
- Met die Tina Turner konsert in die Joburg Stadion was ek agter op die Big Screen in ‘n seker 20×20 meter video besig om ‘n girl se mangels te stofsuig… TT het On Silent Wings gesing, en die mense om ons het gepoint.
- Unchained Melody laat my altyd dink aan vlieënde stukke klei.
- Daar is iets aan Puccini se Nessun Dorma wat my altyd wil laat tjank – ek probeer nog die memory vind wat hierby pas – miskien is dit net moer goed gekomponeer?
- Pieter Smith se Blomme was my en Christine se gunsteling Afrikaanse song. Hierdie een is vir jou Stoffel:
Daar is seker nog vele meer, maar dit is die waaraan ek nou kan dink. Deel met ons jou herinneringe.
Onlangse ondersteuners: