Vandag is skolesportdag… niks lesse nie. Laat ek dit hoor: Whhhoooop Whhhoooop!!
Onthou julle die opwinding? Die kleurspanne in atletiek vir huissport. Dan die interskole-atletiekbyeenkomste, dan kom die rugby, hokkie, netbal, landloop, krieket… en dan herhaal die siklus. Ons was as tieners, en jong volwassenes BAIE meer aktief as wat ek dink ons ooit aan onsself sal wil erken, en ons het die plat mae gehad om daarvoor te wys.
En toe kom alkohol en gemorskos en ‘n algemene rondlê sonder oefening. En nou probeer mens so dikwels dit alles regmaak met kits-dieëte (Dink maar byvoorbeeld aan die Simply Slim gemors). Bietjie beter eet en goeie en gereelde oefening is egter al wat gaan help, en dit is ongelukkig die waarheid.
Feit is, en ons moet dit seker maar aanvaar – Ek gaan nooit weer lyk soos in Matriek, of selfs soos 10 jaar terug nie – Maar ek kan altyd fikser as nou wees, en sommer net in die algemeen psigologies ook beter voel.
Werk bied ongelukkig nie die geleendhede soos skool om daagliks tyd uitgesit te hê vir altetiek, rugby, hokkie en swem nie MAAR dit behoort nie ‘n verskoning te wees nie, want selfs ‘n half-uur se stap, of draf, twee keer ‘n week is beter as niks nie.
Soos Harry in die vorige post gesê het, ons bly ons eie grootste vyande, en is dikwels te vinnig, te gereed met die regte verskonings.
Onlangse ondersteuners: