Ek isse cherry oppe koek

Dankie aan Sonkind… aka die girl om die Kouevuur wat my hierdie nominasie gegee het. Sy was nie so lank gelede nie, my partner in crime met dellie se tandem storie (wat nou nog nie klaar is nie , maar eendag is eendag) Ek is baie bly dat jy aanhou blog het, en nie net verdwyn het nie.

Hoe swaar (lig) weeg jy?

In my strewe, en lewensreis na volwaardig menswees het ek nou al baie gedink aan gepaste maniere van hoe om jou vordering te meet. Daar is mos nou nie noodwendig ‘n skaal of liniaal wat jou menswees kan meet nie. Ek kannie myself in ‘n rekenaar inlees om sommetjies te maak nie…. maar hoe nou?