Vrydagskool…Geskiedenis

Jaap van Proosdij is op ouderdom 89 laas week in Pretoria oorlede. Wie was Jaap?

Jaap was ‘n jong advokaat in Nederland gedurende WWII, en daar word geskat dat hy verantwoordelik was vir die red van ten minste 600 Jode uit die kloue van die Nazis, met die maak van vals doopseëls en vervalsing van senior amptenare se handtekeninge om Jode se vrylating te bewerkstellig. In 1951 het hy na Suid-Afrika geimmigreer waarna hy as prokureur gepraktiseer het.

Partykeer voel ek hartseer omdat nie die geleenheid gehad het om ‘n persoon soos Jaap te ontmoet voor hul afsterwe nie. Ek wil langs so ‘n persoon sit, en hulle stories hoor. Die geskiedenis is gepak met karakters wat kleurvolle stories sou kon oorvertel…..

Wie se stories sou jy graag wou hoor?

Mense wat ek nie like nie….

Daar is bitter min mense wat ek nie van hou nie. Ek het mos ‘n keuse. Meng of laat spaander. So maklik soos dit. Ander ding wat ek ook nog nooit was nie is starstruck….. “Jinne, Steve het by die tafel langs my aan ‘n steak gesmul giteraand”. So what! En toe het hy dit vanoggend soos almal van ons uitgekak. Ding is, die celebs kla oor privaatheid, want hulle moet voorgee dat dit hulle pla. Eintlik is dit kak aanjaag en in die publieke oog wees ( en die beriggewing daaroor) wat hulle flieks en musiek verkoop, en hulle televisiereekse se ratings opjaag vir nog ‘n seisoen. Dit is die agtergrond….

Hierdie is een persoon wat ek minder like as ertjies. Ek kon net nog nooit vat aan Oprah kry nie. Ek kan nie verstaan dat miljoene mense oor die aardbol een persoon so slaafs kan navolg, en selfs verafgod nie. Dit gaan oor ratings mense! Ek kan slange vang as mens ‘n gesprek met vriende oor ‘n onderwerp aanknoop, en een van hulle se straaltjie is ” Ja, die ander middag op Oprah…”. En mens kan sien Oprah se gewildheid moet besig wees om te kwyn… eers was dit die mishandeling onthulling, toe die lang verlore halfsuster – volgende gaan sy seker uit die kas uitbliksem en erken sy is ‘n Alien van planeet Oprah in ‘n verre sterrestelsel (en sy sal ‘n hele program daaroor hê, insluitende ’n onderhoud met die Opperhoof van Planeet Oprah, foto’s van haar tuisdorp en scrapbookbladsye van haar jeug (die stadium na kokonpapie-fase)).

Ja, ‘n rags to riches storie is oulik, en wonderlik maar op die ou einde is Oprah ‘n mens soos ek en jy. So ook Steve en Juanita en Bill Gates en Angelina en Brad. Hoe kan jy aan die lippe van iemand hang wat jy nie persoonlik ken nie? Voel jy nie stupid om iemand aan te hang na aanleiding van hulle voorgee glanslewe nie? Dink jy werklik dit wat jy op televisie sien en in koerante lees is die werklike persoon?

Miskien moet ek Oprah persoonlik leer ken, en dan voel ek anders – Nah, ek eet eerder ertjies.

WEW…(5×5)+.01 van (201.1×10)

Ek wonder waarom vingernaels vinniger groei as toonnaels?

Of is dit net myne?

Vrydagskool….Kenmekaar

Dis altyd goed dat mens aan die begin van die skooljaar bietjie jou klasmaats leer ken. PJ het daarmee begin, en Son het besluit om my uit te daag om in die spotlight te staan…..

Dit werk so: Jy mag my enigiets vra – en ek moet antwoord.

Ek daag die volgendes uit om saam te speel:

Johanna, Merrieperd, Rosa, Jane en Anna

Kinders van Afrika…Krotoa

Krotoa is as 10 – of 11 jarige Khoi meisie in die huis van Jan van Riebeeck ingeneem as bediende etlike dae na hy in die Kaap aangekom het. Sy het sommer vinnig ook Hollands en Portugees baasgeraak en soos haar Oom, Autshumao (Harry die Strandloper) dikwels as tolk opgetree in handelstransaksies.