Hierdie is die kiekie van ‘n Van Gogh, nie Vincent nie, maar sy jonger broer Cornelius (Cor). In die jaar wat Vincent selfmoord gepleeg het, het Cor Suid-Afrika toe gekom, saam met ‘n groep van ongeveer 6,000 ander Nederlanders om treine te bou, asook te help met die bou van die Pretoria – Lourenzo Marks treinspoor.
Met die uitbreek van die Anglo-Boereoorlog het Cor by die Hollanderkorps aangesluit om saam met die Boere te veg as ambulansbstuurder. Hy is egter deur die Britse magte gevange geneem in Maart 1900 naby Kroonstad. Hy het siek geword en is verplaas na ‘n hospitaal in Brandfort, waar hy op 14 April 1900 gesterf het. Hy is hier in ‘n ongemerkte graf begrawe.
Daar was ‘n skietwond in sy liggaam, en daar word geglo dat hy nes sy broers, Vincent en Theo ook selfmoord gepleeg het. Hy was 33 jaar oud.
Daar is natuurlik ook ‘n conspiracy theory…. dit blyk uit briewe deur die jare tusse die drie broers geskrywe, dat Cor heel moontlik van Vincent se sketse, selfs ‘n skildery of twee by hom gehad het toe hy Suid-Afrika toe gekom het…. iewers sit iemand dalk met ‘n Van Gogh in die solder van ‘n beskeie Nederlandse Zuid-Afrikaanse Spoorweg Maatsappij huisie naby Germiston…..
Tags: Anglo, Boereoolog, Cor, Van Gogh
Ek hou van sulke conspiracy theories
Haai, nee! Brandfort, van alle plekke! Dis nou baie interessant, DMI. Wie sou nou kon dink?
Ek dink hierdie verg bietjie nadere ondersoek daar van jou kant af…..
Vincent se broer hier in SA… dis nou interessant. Dankie vir hierdie brokkie inligting. Ek verwonder my keer op keer oor wie almal ‘n draai hier by ons gemaak het en dan dink sommige mense geskiedenis is boring!
Alles behalwe boring!
Baie interessant – nie dit geweet nie!
WOW!!!
Om te dink dit lê dalk onder ‘n spul rommel waarvoor iemand te jammer is om weg te gooi. Erger, iemand het dit tot rommel verklaar en verbrand. Daar het mos so ‘n paar jaar ‘n paar Van Gogh’s iewers op ‘n solder uitgepeul iewers in Europa. Dit is nie ontmoontlik nie . . . .
Sien julle nou hoekom moet ‘n mens opgaar?