Ek wil iets sê….

27 Jun

Dit is wreed.

Dit is uiters wreed om ENIGE persoon te laat ly.

Ek hoop dat masjiene nie ingespan word vir selfsugtige redes nie.

Dit is hartseer vir familie ja.

Dis is sekerlik kommerwekkend vir die ANC dat hulle stemwinning-troefkaart kritiek in die hospitaal lê.

Ek bid dat common sence sal seëvier.

Dit is wreed.

Geen persoon verdien om te ly nie.

portal-graphics-20_1157200a

WEW…29052013

29 May

Dit is moeilik om te luister na nuus. Dit is moeilik om te kyk na nuus. Dit is moeilik om nuus te lees. Dit is moeilik om sonder hartseer na my kinders te kyk.

Dit is kinderbeskermingsweek.

Kinders boelie kinders. Daar is kinderhandel. Daar is kinderprostitusie. Daar is kinder dwelmmisbruik. Kinders word vermoor. Kinders moor. Kinders pleeg selfmoord. Kinders word mishandel. Kinders is honger. Kinders is dors. Kinders het nie huise nie. Kinders word vetgevoer. Kinders leef van McDonalds. Kinders doen nie sport nie. Kinders lees nie. Kinders het die beddens nie. Kinders leef op straat. Kinders verwag babas. Kinders sorg vir kinders. Kinders kry nie liefde nie.

Nou wie de moer beskerm die kinders?

My hart is stukkend. My gemoed is pikswart.

Dit is kinderbeskermingsweek.

January..February.. March..March..March..

24 Apr

Al wat ‘n unie is mobiliseer hulle lede alweer om die moolah-dans in die strate te doen. En dit is nog maar die begin……..

Ek probeer hierdie ding vir myself uitpluis. Natuurlik sonder enige sukses. Ons land se onderwys is al klaar besig om in die gutters tussen die bollie rond te dryf, maar onderwysers kan dit goeddink om ‘n skooldag af te vat om in die strate te gaan dans en sing. Die busdrywers loop ook tans te voet en die metaalwerkers unies van die motorbedryf laat weet al klaar dat hulle vir 20% gaan vra. Die staatsdienswerkers is seker ook nie vêr agter nie….en ek is amper seker daarvan daar is nog onuitgesorteerde nonsens met die myners saam.

Die feit dat die ekonomie knie-diep in die stront is maak natuurlik nie saak nie. Die feit dat maatskappye mense sal moet aflê om die ander se verhogings te kan bekostig is seker ‘n saak vir more. Oor ses maande word daar weer gedans oor die werkloosheid, want daar sal ‘n paar duisend nuwes wees.

Hierdie sirkus met die werkers, en die staat se nasionaliserings-praatjies veroorsaak ook dan verder dat die buiteland eerder hulle geldjies na ander Afrika-lande neem vir investering. Word wakker ANC! Suid-Afrika word nie meer gesien as die deur na Afrika nie!

Maar die ANC sal maar aanhou om die unies se nonsens op te vreet, want hulle het die stemme nodig vir die volgende verkiesing. Daar is ‘n mantel van politiek oor alles gesprei!

Ek herhaal my facebook status van vanoggend…..

January..February..March..March..March.

It is at times like this, during the South African strike season,

that I wish we had an Iron Lady,

or at least leaders in Government with some Iron Balls.

WEW…16042013

16 Apr

Ek wonder watter tipe mens plant ‘n bom of twee waar duisende onskuldige mense bymekaar is? Uit watter tipe yskoue staal is jou hart gesmee, dat jy net kan wegloop sonder om om te gee oor wie gedood of beseer gaan word?

Terreur aanval is die dekmantel wat hulle daaroor wil gooi. Ek gaan onskuldige mense na ‘n vroeë graf stuur; of vermink laat vir die res van hulle lewens – net omdat ek ‘n punt wil maak.

My brein maal dit oor en oor en die resultaat is elke keer dieselfde; dit is onverstaanbaar.

Wat ek wel verstaan is dat daar nou gesinne sonder ouers is.

Wat ek wel verstaan is dat daar ‘n gesin is, wat vandag minus ‘n 8-jarige kind is.

Dit is daaroor wat my hart uitmekaar wil skeur, want hy is nie gesmee uit yskoue staal nie.

Hoe Ironies…

25 Mar

Terwyl Bafana Bafana die CAR 2-0 klop in sokker Saterdag aand

………word Suid-Afrikaanse troepe in die CAR doodgemaak.

WEW….14032013

14 Mar

Ek wonder hoekom die Nasionale Vervolgings Gesag….nou skielik na 25 jaar beendere gaan oopkrap? Wat wil hulle hiermee bereik? As hulle vir Winnie en enige van haar “football club” thugs wou aanvat…was die beste tyd nie 25 jaar terug nie?

Ek wonder verder hoe die verbod op die verkoop van alkohol op ‘n Sondag, gaan help met die bekamping van drankmisbruik….

Derdens……

Waaroor ek nie wonder nie, is hoekom die nuwe pous gekies het om as Francis I bekend te staan. Dit bly vir my een van die gebede wat my poging tot ware menswees en Christenskap perfek opsom.

Here, maak my ‘n instrument van U vrede,
Dat ek liefde mag bring waar daar haat heers,
Eendrag waar onenigheid heers,
Hoop waar wanhoop heers,
Blydskap waar droefheid heers.

Gee, Here dat ek nie sal soek om getroos te word nie, maar om te troos,
Nie om begryp te word nie, maar om te begryp.
Nie om te ontvang nie, maar om te gee,
Want wie gee, ontvang;
Wie homself vergeet, vind;
Wie vergeef, sal verfifnis ontvang.

– St Fransiskus van Assisi –

 

Woordspel…Hel In Die Kerk

5 Mar

BELOFTES MAAK SKULD! HIER IS DIE VERVOLG….

Hel In Die Kerk

Die aarde sweet sommer al vroeg-vroeg. Middel somer in die Noord-Transvaal is nie vir sissies nie, ook nie vir boeties nie. Dit is Sondag-oggend, sewe-uur. Die verkeer in Kerkstraat is soos een van Tant Ralie se bazaar-koeksusters geknoop. Daar is ‘n gebeduie en getoet vir ‘n vale; en as mens na die gekruide taal luister sal jy nie jouself kan indink dat almal oppad kerk toe is nie.

Die dorp skinder nou al vir 3 dae aaneen oor Woensdag se komiese sirkus gebeure wat binne en buite die dokterskamers plaasgevind het. Mientjie van die sentrale se senuwees het gistermiddag ingegee, kort voordat haar liggaam en gees dieselfde gedoen het. “Stress”, het Sarie van die Poskantoor vir almal vertel. “Die stomme Mientje het net standerd vyf. Sy kon nie lekker kophou met die inkomende oproepe en nommers en besige lyne en inluistery en afluistery nie. Sy sal nie eers kan kerk toe more nie.” So het Ant Anna Verwey, Sarie se gesprek met Jan van die apteek, aan Anna Breipen oorgedra. Dit is nie dieselfde Anna nie.

Continue reading

Follow

Get every new post delivered to your Inbox.

Join 225 other followers