Ek verstaan dit nie….

16 Mar

Ek haal my hoed vir mense af wat dinge doen wat my moeg maak as ek dit lees. Ryan Sandes van Suid-Afrika het die Atacamawoestyn Ultraskofwedloop in Chili gewen Saterdag. Die multi-skof wedloop word oor 6 dae gedoen, en is oor ongeveer 250km in die Atacama woestyn. Time noem dit as die tweede moeilikste uithoukompetisie in die wêreld.

Die Atacama Woestyn word gesien as die droogste plek op aarde, en is so na aan die oppervlak van die maan, dat NASA hulle voertuie hier toets. Ryan het hierdie wedloop oor 6 dae in 23 ure, 58 minute en 39 sekondes gewen, vyf ure en 44 minute voor die atleet in die tweede plek.

Die Atacama wedloop is deel van ‘n reeks van 4 wedlope wat deur die verloop van die jaar plaasvind. Volgende is die Gobi in Junie, gevolg deur die Sahara in Oktober en dan laaste Antarktika in November. Al hierdie uithouwedlope is onder Time se Top 10. Jy mag byvoorbeeld slegs vir die Antarktika wedloop inskryf as jy al 2 van die ander 3 klaargemaak het.

Die “4 Woestyne” is slegs al deur 2 persone voorheen almal in 1 jaar voltooi, Paul Liebenberg van Suid-Afrika en Dean Karnazes van Amerika. Beide het dit in 2008 gedoen.

Gaan lees meer by www.4desserts.com.

As ek enigsins dalk moontlik een sou kon klaarmaak, sou hulle sommer my kis ook by die eindpunt moes gereedhê sodat ek net daarin kan ombliksem, en hulle my sommer daar in die grond kan bêre. Die sweet tap my af en ek is uitasem… en dit net na die tik van hierdie paar paragrafies.

24 Responses to “Ek verstaan dit nie….”

  1. NetJane Maart 16, 2010 at 11:58 vm #

    Ek verstaan ook glad nie! Ons het ‘n ou in Swede ontmoet wat vir “fun” die wêreld se 7 hoogste pieke uitgeklim het en toe afgeski het (!) en toe vir “fun” van Kaapstad na Kaïro op ‘n motorfiets gery het, alleen. Sonder borgskappe of kameramanne of rescue teams. Hy’t bietjie ekstra tyd op sy hande gehad…

    • demoerin Maart 16, 2010 at 12:33 nm #

      …en seker bietjie ekstra geld ook😯 Ek dink nog steeds dis bietjie crazy…. maar is ons nie maar almal bietjie nie?

  2. Sharpshoot Maart 16, 2010 at 12:42 nm #

    Nee hemel….. amper 7 dae aan 250km….. het die ou verdwaal?!😉

    • Joh Maart 16, 2010 at 1:11 nm #

      Sowaar, dis net 2.5 maal die Comrades en hulle doen dit in 5 ure. So die 250km behoort nie meer as 20 ure te vattie.😉

      • demoerin Maart 17, 2010 at 6:39 vm #

        😆 Ek dink ons moet hulle ‘n briefie skryf oor daai slapgatgeid wat jy nou uitgewys het.

  3. Vlam Maart 16, 2010 at 1:28 nm #

    Ek nogal dit sal cool wees. Ek sal nie graag wil bungee nie, maar 250 km deur die woestyn…daarvoor sien ek kans. 😉

  4. Dellie Maart 16, 2010 at 2:17 nm #

    Dis nie op my lysie van iets om te doen voor ek doodgaan nie, dankie!:mrgreen:

    • demoerin Maart 17, 2010 at 6:40 vm #

      Ook nie op myne nie, my pen weier om dulke goed te skryf😆

  5. Xena Phoenix Maart 16, 2010 at 4:41 nm #

    Daar is ‘n rede hoekom daar voertuie uitgevind is.

    • demoerin Maart 17, 2010 at 6:42 vm #

      Ek dink dis soos ‘n siekte, jy doen die Spar 5km, en dan volgende jaar die Comrades en as jy weer jou oë uitvee hardloop jy deur die Sahara… (ek skud maar net my kop)

  6. Charms Maart 16, 2010 at 5:31 nm #

    Ai hoe moeg is ek nou – gaan eers ‘n bietjie lê en ontspan.

  7. ekisanna Maart 16, 2010 at 5:55 nm #

    Wonder of hy ‘n baie kwaai vrou of skoonma het van wie hy probeer wegkom:mrgreen:

    • demoerin Maart 17, 2010 at 6:43 vm #

      As ek enigsins in staat was, sou ek ook seker die goete gedoen het.

  8. Twilight Maart 16, 2010 at 9:01 nm #

    Nee maar goed vir hom!

  9. Girl van die Suburbs Maart 17, 2010 at 9:13 vm #

    Ek staan by my besluit om net te hardloop as iets my jaag… En dan hang dit ook af hoe gevaarlik die ding is agter my… :mrgreen:

    Relativity aan die kant!😉

    • demoerin Maart 18, 2010 at 8:10 vm #

      Dors in die woestyn kan jou seker nogal goed jaag….😆

  10. schabbers Maart 17, 2010 at 10:25 vm #

    Hy BLOG seker nie!!!!

  11. ellablou Maart 17, 2010 at 2:38 nm #

    Paul Liebenberg is my vorige baas se seun. Hy het laas jaar gewen. Nogal crazy.

    • demoerin Maart 18, 2010 at 8:11 vm #

      Dis meer as crazy… ek skud maar nog steeds net my kop.

  12. VAKTAP Maart 23, 2010 at 8:49 vm #

    Ongelooflik.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

%d bloggers like this: