Sekere dinge maak net nie sin nie. Ek weet dit is seker maar net simpel vraag-en-aanbod ekonomie…maar
Ons praat die ander dag oor sekere kledingstukke se pryse wat net nie sin maak nie… ‘n denimbroek kan by verskeie winkels gekry word vir onder R100, en by meeste vir onder R150. MAAR ‘n paar denim baggies kos ten minste dubbel soveel as hulle vollengte neefs.
Blykbaar het die dames ‘n nog erger probleem met bikini’s. Dit maak net nie sin nie!
Hoe minder die item moet toemaak hoe meer betaal jy.
Bwahahaha, miskien is daar een of ander vleesbelasting wat ons nie van weet nie 😆
Nie juis dat ek iets weet van naaldwerk nie, maar soos ek verstaan is dit nogal baie moeilik om onderklere (baie spesifiek ‘n bra) te maak. Dit is hoekom dit duurder is.
Ek persoonlik kan nie dink dat dit moeiliker is om ‘n baggy te maak as ‘n langbroek nie. Nie juis dat ek sal weet nie. Dalk moet hulle nog vir die ontwerp vir ‘n baggy betaal. 😉
Ek kan dalk van die bra verstaan ja…..
Is ‘n baggy nie maar net ‘n kort langbroek nie?
Jy kan altyd gaan leer hoe om dit self te maak en ons kom vertel? 😉
Ek sal dink dit is dalk makliker as ‘n langbroek, maar asb! Ek gorrel net.
😆
Hmmmm… Ek dink dit daar is verskeie faktore wat die prys bepaal…
* Detail – is daar ekstra stikwerk, sakke en knope en nate?
* Is die item weer ‘n show stopper die seisoen?
Persoonlik dink ek hulle gebruik dalk meer lap vir ‘n baggy… Hy word losser gesny en dus het jy in wydte meer lap nodig as in lengte?
Nee wag… Ek weet nie 😐